Header Ads

வேலை இல்லா பட்டதாரி நடிகர் தனுஷ் படத்தின் முதல் நாள் வசூல் ரூ.5.18 கோடி

நடிகர் தனுஷ் நடிப்பில் திரையில் வெளியாகியுள்ள படம் வேலை இல்லா பட்டதாரி.  தமிழகம் முழுவதும் திரையிடப்பட்ட படம் வசூலில் ரூ.5.18 கோடியை எட்டியுள்ளது.

டுவிட்டரில் தனுஷ்

இது தனுஷின் திரைப்பட வரலாற்றில் அதிக வசூல் செய்த படமாக உள்ளது.  இது குறித்து டுவிட்டர் செய்தியில் ஆனந்த கண்ணீருடன் தனது மகிழ்ச்சியை வெளிப்படுத்தியுள்ளார்.  அவர், எனது திரைப்பட வரலாற்றில் வசூலில் சாதனை செய்த படமாக வேலை இல்லா பட்டதாரியை அமோகமாக வரவேற்றுள்ள ரசிகர்களுக்கு எப்படி நன்றி சொல்வது என எனக்கு தெரியவில்லை.  எனது ஆனந்த கண்ணீரை உங்கள் அனைவருக்கும் அர்ப்பணிக்கிறேன் என தெரிவித்துள்ளார்.

ரூ.5.18 கோடி வசூல்

வேல்ராஜ் இயக்கியுள்ள இந்த படத்தில் அமலா பால், சரண்யா பொன்வண்ணன், சமுத்திரக்கனி, சுரபி மற்றும் அமித்தேஷ் பிரதான் ஆகியோர் நடித்துள்ளனர்.  படத்தின் கதைப்படி வேலையில்லாமல் சுற்றி திரியும் பட்டதாரி நாயகன் அனைத்து எதிர்ப்புகளையும் சமாளித்து தனது பணியில் எவ்வாறு வெற்றி பெறுகிறான் என்பது காட்சி ஆக்கம் செய்யப்பட்டு உள்ளது.

திரைப்படத்தின் வெற்றி குறித்து வர்த்தக ஆய்வாளர் திரிநாத் கூறும்போது, கடந்த வெள்ளிக்கிழமை 300 தியேட்டர்களில் படம் வெளியிடப்பட்டது.  அது ரூ.5.18 கோடி வசூல் செய்துள்ளது.  நடிகர் தனுஷ் நடிப்பில் திரையிடப்பட்ட முதல் நாளில் அதிகம் வசூல் செய்த படமாக இது உள்ளது.  இந்த வெற்றி தனுஷ§க்கு முக்கியத்துவம் வாய்ந்தது.  ஏனெனில் அதற்கு முந்தைய இரு படங்கள் எதிர்பார்த்த வெற்றியை பெறவில்லை என தெரிவித்துள்ளார்.

No comments:

Powered by Blogger.