Header Ads

உடல் எடையை குறைக்க ஆபரேஷன் செய்து கொண்ட காமெடி நடிகர் பரிதாப சாவு

மும்பை: உடல் எடை குறைக்க ஆபரேஷன் செய்து கொண்ட இந்தி நடிகர் பலியானார். தவறான சிகிச்சை அளித்ததாக டாக்டர்கள் மீது நடிகரின் மகள் குற்றம் சாட்டி உள்ளார். கோலிவுட் முதல் பாலிவுட் வரையிலான நடிகர், நடிகைகள் உடல் எடையை குறைக்க ஆபரேஷன் செய்து கொள்வது அதிகரித்துவிட்டது. ‘ஹலோ ஹம் லல்லன் போல் ரஹே ஹெய்ன்Õ, ‘பாபர்Õ, ‘மனோரஞ்சன்Õ போன்ற படங்களில் நடித்திருப்பதுடன் 2008ம் ஆண்டு ஒளிபரப்பான ‘ராமாயணம் இந்தி சீரியலில் கும்பகர்ணனாக நடித்தவர் இந்தி நடிகர் ராகேஷ் தீவானா (45). ‘ஹே ரிஷ்தா க்யா கெஹெல்தா ஹைÕ உள்ளிட்ட பல டி.வி. சீரியல்களிலும் நடித்துள்ளார். இவர் உடல் எடை அதிகரித்து காணப்பட்டார். இதற்காகவே இவருக்கு குண்டான கதாபாத்திரங்களில் நடிக்க வாய்ப்பு வந்தது. 

உடல் எடையை குறைத்தால் நிறைய படங்களில் நடிக்க வாய்ப்பு வரும் என்று நண்பர்கள் அவரிடம் தெரிவித்தனர். இதையடுத்து எடையை குறைக்க இரப்பையின் அளவை குறைக்கும் ஆபரேஷன் செய்து கொள்ள முடிவு செய்தார். இதுபற்றி டாக்டர்களிடம் ஆலோசனை கேட்டார். அவர்கள், ‘இது  எளிதான ஆபரேஷன். சிகிச்சை முடிந்தவுடன் வீடு திரும்பி விடலாம்Õ என்று கூறியுள்ளனர். இதையடுத்து மும்பையில் உள்ள தனியார் மருத்துவமனையில் கடந்த 23ம் தேதி இவருக்கு டாக்டர்கள் ஆபரேஷன் செய்தனர். அதன்பிறகு ராகேஷ் உடல்நிலை மோசமானது. நேற்று முன்தினம் அவர் திடீரென்று இறந்தார். இதுகுறித்து ராகேஷ் மகள் ஷிவானி தீவானா கூறும்போது, ‘என் அப்பாவுக்கு டாக்டர்கள் தவறாக ஆபரேஷன் 

செய்துள்ளனர். ஆபரே ஷனுக்கு முன்பு என் அப்பாவுக்கு உடலில் எந்த நோயும் இல்லை. ஆபரேஷன் முடித்தவுடன் அவரை தீவிர சிகிச்சை பிரிவுக்கு மாற்றிவிட்டனர். நேற்றுமுன் தினம் அவருக்கு செயற்கை சுவாசம் கொடுக்கப்பட்டது கண்டு அதிர்ச்சி அடைந்தேன். பிறகு அவர் இறந்துவிட்டார். மூளை பாதிப்பு ஏற்பட்டு இறந்ததாக டாக்டர்கள் கூறுகின்றனர். என் அப்பாவின் மரணத்தில் சந்தேகம் உள்ளது. ஆபரேஷனுக்கு மட்டும் பில் வாங்கியவர்கள் என் அப்பா இறந்த பிறகு ஆம்புலன்ஸ் மற்றும் இதர கட்டணங்கள் தேவை இல்லை என்று கூறிவிட்டனர். தவறான ஆபரேஷன்தான் என் அப்பா இறப்புக்கு காரணம்Õ என்றார். இந்த சம்பவம் பாலிவுட்டில் பரபரப்பை ஏற்படுத்தி உள்ளது.

No comments:

Powered by Blogger.